صورة الخطيب في الأحلام في حالة فشل الارتباط بالزواج

صورة الخطيب في الأحلام في حالة فشل الارتباط بالزواج

                                             أ د. عـادل كمـال خضـر

                                                     أستاذ علم النفس الإكلينيكي والتحليل النفسي

                                                       عميد كلية الآداب ــ جامعة بنـها

  1. mail : adelkhedr@yahoo.com

 

        أهلا دكتور عادل أحب أن أعرفك بنفسي أنا اسمي عبير 24 سنه ،  بكالوريوس تجاره ، مش مرتبطة ولا مخطوبة ولا متجوزة ، من أسرة مستواها فوق المتوسط كان ليا تجربة حب فاشلة من حوالي أربع سنين ومن بعدها محدش دخل حياتي ولا حاولت أدخل حد حياتي ، وحتى لو حد دخلها بيخرج منها بسرعة أوي من غير أسباب.

 

        أنا معظم أصدقائي وقرايبي اللي في سني اتخطبوا واتجوزوا من حوالي 3 أو أربع سنين وأنا لسه زي ما أنا ، وموضوع الارتباط  ده لا يشغل تفكيري لأنه كان مصدر قلق وألم ليا في الفترة اللي فاتت كلها ، الموضوع ده غير فيا كتير وكسر قلبي ومبقتش أحب اتطرق ليه أبدًا وخصوصا إن أنا مش ناقصني حاجه والحمد الله  وخايفة أتسرع أندم بعد كده ، لأني بقيت بخاف من أي حاجه وكل حاجه ، وحاسه إن كل الألم النفسي اللي حصل لي كان بسبب ارتباطي  الأولاني خصوصا إن الشخص اللي كنت مرتبطة بيه اتجوز بعد انفصالنا وعاش حياته عادي وكأن شيئًا لم يكن .

 

        أنا يا دكتور عندي مشكله كبيييييرة  أوي وهي إني  بحلم كتير  زيادة عن اللازم بحلم تقريبا كل يوم    ،  والمشكلة الأكبر إن  أنا بقيت  مهووسة  بأن كل حاجه هحلم  بيها  بترمز  لشيء معين وأن الحلم هيتحقق وده بصراحة مأثر على حياتي بشكل سلبي لأن  أصلا  الأحلام دي  بتكون مجرد  هلاوس  في عقلي الباطن بس إصراري إن ليها معنى هو ده اللي بيديها قيمة .

 

الحلم :

 

        آخر حلم حلمته يا دكتور كنت  بدور فيه على  ” شبشب ” ، وكانت كل الشباشب في الحلم  يا إما مش عجباني  ، يا إما تكون فرده واحد ، وفي آخر الحلم خرجت حافيه ،  وعلى باب الشقة لقيت شبشبين محطوطين جنب الباب ، الشبشب الأولاني  لونه فضي وهو موجود عندنا  في البيت فعلا والتاني أصفر فيه سيور وبيلمع ، اخترت الأصفر لكن مش فاكره إني لبسته لأني مشفتوش في رجلي في الحلم  والحمد لله خلص الحلم على كده ..

 

        أنا عايزه  أعرف إيه  دلالة الشبشب في الحلم  وإيه معنى الألوان ؟  أنا سمعت إن الحذاء  والشبشب بيرمزوا لنصيب الإنسان وليهم علاقة بالخطبة والزواج ، أما الألوان فليها عدة تفسيرات من عدة  نواحي بس أنا مفهمتش حاجه منها بصراحه  ، أرجو الإفادة  ولسيادتك مني أحلى تحيه  وشكراً جزيلًا  .

 

التفســير :

 

  • الأحلام ليست مشكلة في حد ذاتها ، فجميعنا نحلم يوميا ،  غير أننا ننسى محتوى الأحلام .
  • الحلم فعلًا له معنى ، وهو مهم في معرفة ما بداخل نفوسنا وليس لأن ننشغل بكونه سيتحقق مستقبلًا .. فقد يتحقق واقعيًا بناء على رغبة بداخلنا ، وأمنية لدينا نسعى لها دومًا كي نحققها .. وقد لا يتحقق لأمور تمنع ذلك في الواقع .
  • أما آخر حلم لك فهو يعكس انشغال داخلي لديك بزوج المستقبل ، ورمز له في هذا الحلم بالشبشب ، والشباشب مش عجباكي ( بمعنى أن الرجال الذين تقدموا لك ليسوا في مستوى ما تطمحين إليه من حيث الهيئة العامة .. ) أو فاردة واحدة ( بمعنى لهم مميزات في ناحية وهناك نقص في ناحية أخرى .. )  وفي آخر الحلم خرجت حافيه على باب الشقة ( حيث لم ترتبطي حتى الآن .. ) .

 

  • ولقيتي شبشــبين محطــوطين جنب الباب ( ربما آخر خطيبين  تقدموا لك ) الأولاني لونه فضي  وهو موجود عندنا في البيت فعلا ( ربما يدل على رجل من نفس العائلة أو الشارع اللي أنت ساكنة فيه ) والتاني أصفر فيه سيور وبيلمع .. اخترت الأصفر لكن مش فاكره إني  لبسته لأني مشفتوش في رجلي في الحلم ( ربما يكون لك طموح في الارتباط بشخص له هيئة أجنبية ، أو فيه مواطن جمال شكلية أو ميزات شخصية غير عادية تطمحين إليها ) ..

 

  • وعمومًا فإن دلالة الرموز في الحلم تشير إلى أن لديك نظرة دونية للرجال .. فرمزية الشبشب تدل على شيء يحط من قدره ويداس عليه بالقدم ، وربما أن هذه النظرة الدونية جاءت كرد فعل لخبرة الحب الفاشلة وزواج حبيبك من أخرى وعدم الاهتمام لأمرك .. وتصوير الرجال بالشباشب بمعنى كونهم كثير وسهل الحصول عليهم فليس أكثر من الشباشب بالأسواق وليس أحط منها كذلك ، فهي سباب أيضًا حيث  تودي أن  تقولي  لحبيبك أنت شبشب لا أكثر من ذلك ، وأنا ألبسك في رجلي وتكون تحت قدمي فليس لك قيمة .. ألبسك في أي وقت وأخلعك في أي وقت ،  وتم التعميم ذلك على  كل  الرجال  .. فجميعهم  شباشب ( وخاصة بعد صدور قانون الخلع ) .

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s